Jón Ásgeir mun fara í a.m.k. 9000 ára fangelsi

Þetta er ótrúlegt. Konan dró að sér 47 þúsund kr. og fær 30 daga skilorðsbundna.
Ef þessi formúla yrði notuð á útrásarvíkingana þá yrði nú eitthvað sagt.

Gefum okkur að Jón Ásgeir hafi dregið að sér ca. 5 milljara, það þýddi að hann fengi 8700 ára fangelsisdóm.

Dró sér fé úr afgreiðslukassa

Vandamál fangans

Arna Pálsdóttir skrifar: 

 

Að sama skapi og ég fagna því að nú sjáist árangur af starfi sérstaks saksóknara velti ég fyrir mér þeim tíma sem liðinn er frá bankahruninu sem nú telur 19 mánuði. Hér er tekið fram að alltaf er auðvelt að vera vitur eftir á.

 

Á þessum tíma hefur hver fréttin á fætur annarri sagt frá yfirheyrslum embættis sérstaks saksóknara yfir einstaklingum sem taldir eru tengjast hruni eða falli íslensku bankanna eða hafa fengið réttarstöðu grunaðs manns. Margir einstaklingar hafa verið teknir í yfirheyrslur að löngum tíma liðnum til þess að reyna að átta sig á viðskiptaháttum, samskiptum og eignarhaldi aðila sem voru valdamiklir og jafnframt þekktir í samfélaginu. Þar sem hver og einn er tekinn í yfirheyrslur á sitthvorum tímanum verður vandamál fangans ekkert.

 

Fyrir þá sem ekki þekkja til leikjafræðinnar snýst vandamál fangans um samvinnu. Tökum dæmi. Tveir einstaklingar sem standa saman að ólögmætu athæfi  eru handteknir í kjölfarið, grunaðir um verknaðinn, og færðir í yfirheyrslur í sitt hvorn klefann en athugið á sama tíma. Þessir tveir einstaklingar hafa mestan hag af því að standa saman undir yfirheyrslum á þá leið að kjafta ekki frá. Standi þeir saman og þar til gerðum yfirvöldum tekst ekki að sanna aðild þeirra að ólögmæta athæfinu eða verknaðinum er refsing þeirra lágmörkuð. Við yfirheyrslur er báðum aðilum tjáð að vitorðsmaður þeirra hafi nú þegar leyst frá skjóðunni og betra sé því fyrir þá að gera slíkt hið sama. Þetta er einungis hægt ef aðilarnir sitja í gæsluvarðhaldi undir yfirheyrslum á sama tíma. Ekki þarf að taka fram að hámarksrefsing fæst ef báðir aðilar grunaðir um verknaðinn játa.

 

Fram til þessa hefur staðan í samfélaginu sýnt að vandamál fangans er ekkert. Hver og einn aðili hefur verið tekinn í yfirheyrslur einn og sér sem gerir það að verkum að lítið mál er fyrir einstaklingana að standa saman. Frétt af handtöku og kröfu um gæsluvarðhald yfir aðilum sem tengjast bankahruninu er löngu tímabær í þessu samhengi. Með úrskurði um gæsluvarðhald yfir þeim einstaklingum sem hafa réttarstöðu grunaðra er allavega komið í veg fyrir frekari samvinnu um ólögmæt athæfi þar sem þessum aðilum er ekki gefið færi á að ráðfæra sig við vitorðsmenn sína.

En er þetta of seint? 

Kaupþingsmenn í gæsluvarðhald

Valtýr Sigurðsson vanhæfur í annað sinn. Komið gott hjá honum.

Mér þykir alveg þvílík tilviljun að þetta mál hafi verið komið svona langt og síðan var þetta óvart hálf-systir eiginkonu Valtýrs sem varð fyrir barðinu á þinginu.

Þetta er ekki hægt!!!

Það muna líka allir eftir því þegar Valtýr var vanhæfur þar sem hann er pabbi Sigurðar Valtýssonar, f.v. forstjóra Exista, en það kom álíka heimskulega uppá yfirborðið og þetta með frænkuna :)

Held að Valtýr ætti að fara snúa sér að einhverju öðru.

Lára settur ríkissaksóknari

Ráðningar

Arna Pálsdóttir skrifar: 

 

Í kjölfar kosninga á síðasta ári urðu breytingar inn á elstu og æðstu stofnun okkar Íslendinga. Í því ástandi og atvinnuleysi sem ríkti í þjóðfélaginu þá og ríkir ennþá velti ég því oft fyrir mér hvað varð um það misgóða fólk sem ekki gafst kostur á að setjast aftur á þing eftir kosningar. Tuttugu og sjö einstaklingar settust nýjir inn á þingið sem gerði það að verkum að aðrir tuttugu og sjö annað hvort ákváðu sjálfviljugir að gefa ekki kost á sér aftur til áframhaldandi þingsetu eða náðu ekki kjöri. Má segja að þeim sem náðu ekki kjöri hafi verið sagt upp?

 

Í dag 18.janúar 2010 eru 16.523 einstaklingar skráðir atvinnulausir. Eru einhverjir fyrrverandi þingmenn á atvinnuleysisskrá eða koma til með að verða?

Eru þeir fyrrverandi þingmenn sem í sumum tilfellum var „sagt upp“ eftir síðustu kosningar á meðal þessara þúsunda sem eru atvinnulausir og munu þiggja atvinnuleysisbætur eða bíða þeirra störf sem ekki eru auglýst og tryggja þeim áframhaldandi laun í líkingu við biðlaun þingmanna?

 

Það síðarnefnda ætla ég að gefa mér að hafi átt við í tilfelli fyrrverandi þingmanns og ráðherra, Valgerðar Sverrisdóttur, sem að vísu sjálfviljug ákvað að gefa ekki kost á sér til áframhaldandi þingsetu en fékk á síðasta ári formannsstöðu í nýju ráði um þróunarsamvinnu. Frétt um ráðningu Ástu Möller sem forstöðumanns Stofnunar stjórnsýslufræða og stjórnmála við stjórnmálafræðideild Háskóla Íslands gefur mér aftur tilefni til að hugsa um þessa einstaklinga sem eins og í hennar tilfelli var „sagt upp“ á þingi. Ég geri hér ráð fyrir að störfin hafi ekki verið auglýst til umsóknar.

 

Svipað hlýtur að verða upp á teningnum hvað varðar aðra þingmenn sem hurfu af þingi. Meðal þeirra einstaklinga sem náðu ekki kjöri inn á alþingi í síðustu kosningum má nefna Sigurð Kára Kristjánsson, Kolbrúnu Halldórsdóttur og Guðjón Arnar Kristjánsson.  Þó svo að þeim hafi verið „sagt upp“ geri ég líka ráð fyrir að þau þurfi ekki að hafa áhyggjur af því að verða á meðal þeirra þúsunda sem skráðir eru atvinnulausir og þiggja atvinnuleysisbætur. Ég verð að telja líklegra að þeirra bíði starf sem hvergi verði auglýst laust til umsóknar og tryggi þeim áframhaldandi laun í líkingu við biðlaun þingmanna. 

 

Eftir að hafa misst vinnuna í kjölfar hrunsins í október síðastliðnum og upplifa atvinnuleysi þó einungis í skamman tíma geri ég ráð fyrir að eina vitið sé að bjóða sig fram til alþingis við næstu endurnýjun. Að því gefnu að ég nái kjöri og sitji eitt kjörtímabil þyrfti ég að minnsta kosti ekki að hafa áhyggjur af atvinnuöryggi mínu aftur.  Ég hef fulla trú á því að mér yrði veitt formannsstaða á silfurfati án þess að gefa öðrum hæfum einstaklingum kost á að sækja um hana

Ásta Möller ráðin til HÍ

-

http://danskteknisk.blog.is/blog/danskteknisk/entry/1007271/

Nú, ég hélt það væri bara búið að selja Esjuna.

Moldrok í Reykjavík

Muniði eftir...

þegar Björgólfur sagði að Icesave yrði ekki vandamál þjóðarinnar.

http://mbl.is/mm/frettir/innlent/2008/11/13/skuldir_lenda_ekki_a_thjodinni/

 Nú er allt á suðupunkti niðrá þingi útaf þessu blessaða Icesave :)

Ríkisstjórn á suðupunkti

Segðu af þér...

Ef þetta mál kæmi upp einhversstaðar annarsstaðar en á Íslandi þá væri gerandinn búinn að segja af sér um leið. 

En nei , þetta er Ísland. Hér segir enginn af sér.

Gunnar segir lög ekki brotin

Fréttamennskan á Íslandi

Af hverju hefur fréttastofa Stöðvar 2 ekki uppá forstjóra N1, Hermanni Guðmundssyni, til að heyra hann tala aftur um þennan "misskilning" sem hann talar um í fyrri fréttinni. Mundi eftir fyrra viðtalinu við hann þar sem mér fannst þetta ekki meika sense.

Hér fyrir neðan er fréttin um hækkunina fyrir viku síðan á Stöð 2. Ýttu á bláa "PLAY" takkann til að horfa.

  Síðan kemur í fréttum í kvöld að Olíufélögin hafi dregið þetta til baka og málinu afar illa fylgt eftir að hálfu fréttastofunnar þykir mér.

 

Skólabókardæmi um mál sem er illa fylgt eftir.

N1 og Olís lækka einnig

Timewarp

Það er ljóst að Baldur hefur farið í ormagöng og ferðast aftur í tímann og heldur að það sé ennþá 2007.

 En greyið verður að bjarga smá penge, hann hefur líklega farið illa útúr sukkinu í Eimskip og reynir að klóra aðeins í bakkann... hvað ef ég gef mér að skrifstofustarfsmaður í Eimskip sé með 350-400 þús á mánuði í laun þá eru þetta árstekjur ca. 40 fólks á skrifstofunni sem hann er að biðja um .... og athugið, hann er að reyna fá þetta fyrir að HÆTTA... hahaha... 

Aðalmeðferð í máli Baldurs lokið